પૂર્વ-પશ્ચિમ કચ્છમાં DGPના આદેશની અમલવારી ક્યારે?
એક જ પોલીસ સ્ટેશનમાં 5 વર્ષથી વધુ ફરજ બજાવતા કર્મચારીઓની યાદી તૈયાર કરવાનો આદેશ
લાંબા સમયથી એક જ મથકે રહેલા પોલીસ કર્મચારીઓની બદલીની ચર્ચા તેજ
DGPનો કડક આદેશ: 5 વર્ષથી એક જ મથકે રહેલા કર્મચારીઓની વિગતો માંગાઈ
કચ્છ પોલીસમાં થશે ફેરબદલ? રાજ્યભરમાં માંગાઈ કર્મચારીઓની યાદી
પારદર્શિતા માટે રાજ્ય પોલીસ વડાનો નિર્ણય, કચ્છમાં અમલવારી પર નજર
ભુજ : રાજ્ય પોલીસ વડા (DGP) દ્વારા રાજ્યના તમામ પોલીસ કમિશનરો અને જિલ્લા પોલીસ અધિક્ષકોને એક જ પોલીસ સ્ટેશનમાં પાંચ વર્ષ કે તેથી વધુ સમયથી ફરજ બજાવતા પોલીસ કર્મચારીઓની વિગતો તાત્કાલિક મોકલવા સૂચના આપવામાં આવી છે. આ આદેશ બાદ પૂર્વ અને પશ્ચિમ કચ્છ પોલીસ વિભાગમાં પણ તેની અમલવારી અંગે ચર્ચાઓ તેજ બની છે. મળતી માહિતી મુજબ, પાંચ વર્ષથી વધુ સમયથી એક જ પોલીસ મથકે સેવા આપી રહેલા કર્મચારીઓની યાદી તૈયાર કરી માઈક્રોસોફ્ટ એક્સેલ ફોર્મેટમાં નિર્ધારિત ઈ-મેઈલ પર મોકલવાની સૂચના આપવામાં આવી છે. આ માટે સમયમર્યાદા પણ નક્કી કરવામાં આવી હોવાનું જાણવા મળે છે. પૂર્વ અને પશ્ચિમ કચ્છ જિલ્લામાં પણ આવા અનેક કર્મચારીઓ હોવાની શક્યતા વ્યક્ત કરવામાં આવી રહી છે. જેના પગલે સંબંધિત વિભાગો દ્વારા વિગતો એકત્રિત કરવાની પ્રક્રિયા શરૂ થઈ હોવાનું માનવામાં આવે છે.
આ આદેશ બાદ પોલીસ બેડામાં લાંબા સમયથી એક જ સ્થળે ફરજ બજાવતા કર્મચારીઓની બદલી થશે કે નહીં તે અંગે સવાલો ઉઠી રહ્યા છે. પોલીસ વિભાગમાં પારદર્શિતા, જવાબદારી અને વહીવટી કાર્યક્ષમતા વધારવાના હેતુથી લેવામાં આવેલા આ નિર્ણયનો કચ્છમાં પણ કડક અમલ થાય તેવી માંગ ઉઠી રહી છે હવે સૌની નજર એ બાબત પર છે કે પૂર્વ-પશ્ચિમ કચ્છ પોલીસ તંત્ર દ્વારા આ આદેશનો અમલ કેટલી ઝડપથી કરવામાં આવે છે અને લાંબા સમયથી એક જ મથકે કાર્યરત કર્મચારીઓ અંગે શું કાર્યવાહી કરવામાં આવે છે.
Post a Comment